قهوة ولاد بلد ......

اهلا بكل اللى منورنا فى القاعدة دى انهاردة

معانا انهاردة اول عضو فى انت والمايك

عضو كبير ومعلم اخر حاجة

زو قلم متميز فى الموكان

العضو الكبير



( سووووووكاااااااااااااااااااااااااااااااااااااااااا اااااااااااااااااا )

مون لايت








DEAD MAN: يا ميت ويلكم على العضو اللى معانا انهاردة
DEAD MAN: سوكا
DEAD MAN: كيف حالك
سوكا: الله يرحب بيك يا كابتشنم
سوكا: الحمد لله بخيرات
DEAD MAN: تشربى حاجة ولا تخليها حفيف احسن
سوكا: لا انا تقيييله
DEAD MAN: يا ساتر
سوكا: مفيش مانع كشرى ماشى
DEAD MAN: دى داخلة على طمع
DEAD MAN: واحد كشرى يا ابنى وزود الشطة
سوكا: طب دا انا حتى عامله تايت
DEAD MAN: قصدك تايد
سوكا: تؤ
DEAD MAN: اومال برسيل
DEAD MAN: اهوة الكشرى وصل
DEAD MAN: تضربى كشرى الاول
DEAD MAN: ولا نسال عادى
DEAD MAN: اية الكشرى تقيل ولا اية
سوكا: انت قريت على جهازى ولا ايه
سوكا: اهو بيستعبط اهه
DEAD MAN:
سوكا: لا خلاص اسال بقا
سوكا: بس ليه الاسئلة مش على المنتدى
سوكا: ولا انت بتعمل اعداد
DEAD MAN: تشربى حاجة اللول
DEAD MAN: لا احنا جاهزين بالصلاة على النبى
سوكا: قشدة
سوكا: اروح على المنتدى يعنى
DEAD MAN: اول سؤال
DEAD MAN: إسم وٍ عمرٍ وٍ بلد ابن البلد
سوكا: يااادي الاحرااج
سوكا: اسمه : نورا
سوكا: و عمره بالصلاة على النبى كده
DEAD MAN: ايوز
سوكا: 17
DEAD MAN: طب الحمد لله
سوكا: و بلده مامت الدنيا
سوكا: الست الحاجه مصر
DEAD MAN: ست الحبايب يا حبيبة
سوكا: ايييون
DEAD MAN: اوصف نورا بكلماتك
سوكا: طبيعيه جدااا .. هاديه ساعات و ساعات بتقلب سوكا ... بس عدد الساعات الاكتر سوكا اكيد
سوكا: عصبيه حبه
سوكا: تكاد تكون كتيرة شويه
سوكا: وووووووو
سوكا: بسمع تامر حسنى
سوكا: و رامى صبرى
سوكا: و سامو زين
سوكا: وووووووووو
سوكا: ايه كمان
سوكا: بحب ماما و بابا و اخواتى و بهديهم اغنيه فايق و رايق
DEAD MAN: اية الصراحة دى
سوكا: لو دى تريقه فانا مش عارفه اقول ازاى
سوكا: اقول ايه
سوكا: اسال و انا اجاوبك
DEAD MAN: اية الحاجة اللى شخصيتك بتميل ليها
DEAD MAN: الله يخربيت المخرج اسئلة معقدة
سوكا: لا شغال بس انت اعزر ابن البلد لو هيس شويه او بعد عن لوب الموضوع
سوكا: اكتر الحاجات اللى بكرها مثلا
سوكا: او حد كدب عليا
سوكا: و طبعا الخيانه بأى شكل من اشكالها
DEAD MAN: طب واية تانى
سوكا: الحاجتين دول مش بس بكرهم بيموتونى
سوكا: مبحبش حد يعشمنى بحاجه و ميعملهاش
سوكا: و بحب البحر جدااااااا
سوكا: و الشتا
سوكا: و الصراحه فى كل الاوقات
سوكا: قرايه الروايات
DEAD MAN: يا بخت اللى امة دعيالة
سوكا: ههههههههه
سوكا: يا بخته ايه بس ربنا يستر عليه م نسوكا
DEAD MAN: دى الحاجة بقى اللى امة دعت علية فيها
سوكا: هههههههههههههههههههههههههههه
سوكا: اساتل بقا
سوكا: اسأل
DEAD MAN: اية الشئ اللى بعصب سوكا
سوكا: لما حد يكدب عليا و اكون انا واثقه فيه
سوكا: يعنى لو حد مش فارق معايا مش مشكله
سوكا: ميهمنيش
سوكا: لكن لما يبقى مهم عندي و يكدب عليا
سوكا: كدبه بيضا بقا حمرا صفرا
سوكا: مفيش كله كدب
سوكا: و كله بيضايقنى
سوكا: و اكيد لو حد غلط فيا
سوكا: سوكا دماغها بتسخن
سوكا: بس
DEAD MAN: اشطى
سوكا: قشطاط
DEAD MAN: اية اللى سوكا بتكرهها فى نفسها
سوكا: سهل انى اصدق اللى قدامى
DEAD MAN: اية اللى بيخوفها
DEAD MAN: اوكى على ما سوكا ترجع
DEAD MAN: اشرب شاى
DEAD MAN: الشاى يا ابنى
سوكا: معلش النت كل شويه يفصل
سوكا: ايييون
سوكا: اوووك
DEAD MAN: سوك على الشاى يا ابنى
DEAD MAN: ولا يهمك
DEAD MAN: نكمل
سوكا: لالا
سوكا: اشرب الشاى
سوكا: و انا مبلطه هنا شويه
DEAD MAN: ماشى اتنين شاى يا ابنى
DEAD MAN: وحجر تفاح
سوكا: هههههههههه
سوكا: مشتشكرين يا معلم
سوكا: بشرب و الله
سوكا: شاااااااااااااى
DEAD MAN: طب الحمد لله
DEAD MAN: اية اللى بيخوف سوكا
DEAD MAN: ؟
سوكا: فين الشاى
DEAD MAN: على ما الواد يتنيل ويعملة
سوكا: ممممممممممم
سوكا: سوكا الحمد لله مبتخافش غير من اللى خلقها طبعا
سوكا: سووكا بقا
DEAD MAN: ماشى يا عم
DEAD MAN: ياا خوفى
سوكا: و بررردو انها يتكدب عليها
سوكا: فقط
DEAD MAN: باقة شوك تهديها لمين ؟
سوكا: شووووووووووووووووووك
DEAD MAN: اها
سوكا:
سوكا: ولا حد
DEAD MAN: نفهم من كدة ان سوكا محدش خلاها تكرهة
سوكا: لا طبعا
DEAD MAN: سؤال لولبى
سوكا: كرهت ناس كتير اتخدعت فيهم
سوكا: بس الرد ميبقاش باقه شوك
DEAD MAN: يبقى لازم نكرمك
DEAD MAN: البانجو ياولد
سوكا: يعنى ان اللى خدعنى خسرنى
سوكا: دى كفايا عقاب ليه
سوكا: هع هع هع هع
DEAD MAN: مكان بترتاحى فية ؟
سوكا: هههههههههه
سوكا: على البحر
سوكا: بحب البحر جداااااااااااااااااا
DEAD MAN: لحظات انصدمتى فيها ؟
سوكا: واحده صحبتى كنت بحبها جداااااااااااا
سوكا: و كانت قريبه منى اووى
سوكا: فجأة اكتشفت انها بتكدب عليا فى حاجات ككتير اوى
DEAD MAN: طب لية بيبقى الجرح الاكبر من الصحاب
DEAD MAN: ؟
DEAD MAN: اعزائى المستمعين مستمعى قهوة ولاد بلد
DEAD MAN: ثوانى ونرجعلكم لان سوكا بتضرب القهوجى علشان محطش سكر مظبوط
DEAD MAN: الله يرحمة
DEAD MAN: خلصت علية يا سيد المعلمين ولا لسة
سوكا: معلش يا فندم
سوكا: بس النت شارب حاجه الظاهر
DEAD MAN: يمكن البانجو قصر علية
DEAD MAN: كنا بنقول
سوكا: ممكـــــــن
سوكا: اه
DEAD MAN: لية بيبقى اكبر جرح من الصحاب
سوكا: لا مش شرط الصحاب
سوكا: هو المهم انه بيكون من حد اديته ثقه كتير اوى
سوكا: يعنى اى حد تديله ثقه و يخونها
سوكا: بتوجع اوى
سوكا: او بتقتل
DEAD MAN: شخص عزيز عند سوكا ؟
سوكا: ماما
DEAD MAN: باقة ورد لمين ؟
سوكا: ماما بردو
سوكا: ورد كتييييييييييييييييييييييير
DEAD MAN: اتفضلى الشاى
سوكا: شوكوراااا
DEAD MAN: النقطة الأهم في حياتك؟


سوكا: بالهنا و الشفا
DEAD MAN: وانتى من اهلة
سوكا: ربنا يكون راضى عنى
سوكا: بعد كدده اى حاجه تبقى فله شمعه منورة
DEAD MAN: يارب
DEAD MAN: لونك المفضل؟


سوكا: اللى بكتب بيه داهون
سوكا: و الازرق بدرجاته
سوكا: و الاحمر
DEAD MAN: اية اللون اللى انتى بتكتبى بية
DEAD MAN: لانى ساقط الوان
سوكا: اصل فى ناس بتقول عليه فاروز و فى ناس بتقول عليه بترولى
DEAD MAN: بحلوقلى
سوكا: او فيروز اختلف العلماء يعنى
DEAD MAN: ما علينا
سوكا: بالظبط كده
DEAD MAN: وجبتك المفضلة؟


سوكا: ما علينا
سوكا: المحشى بأنواعه
DEAD MAN: والنبى صوباعين فى الغربة اللى احنا فيها
DEAD MAN: تعبنا من اكل الهنود
سوكا: هههههههههههه
سوكا: ان شاء الله ترجع بالسلامه و تشبع منه
DEAD MAN: يارب
DEAD MAN: كلمتك المكررة؟


سوكا: ما علينا
سوكا:
DEAD MAN: جملة شهيرة ترددها؟


سوكا: اللى ميستحملنيش و انا متضايقه ميستاهلنيش و انا رايقه
DEAD MAN: احلى مسا يا سيد المعلمين
سوكا: و يا واخد القرد على ماله يغور المال و يفضل القرد على حاله
سوكا: ههههههههههههههه
DEAD MAN: اية مثل ستى اللتاتة دة
DEAD MAN: ما علينا
سوكا: هههههههههههههههههههههه
DEAD MAN: المادة الدراسية التي عانيت منها!؟
سوكا: الفرنساوى و النحو
سوكا: الهى ربنا ياخدهم ما يرجعهم تانى يا رب
DEAD MAN: الكلمة الوحيدة اللى حفظتها فى الفرنساوى
DEAD MAN: جى سوى ملاد
سوكا: هههههههههههه
سوكا: سبحان الله و انا كمان
DEAD MAN: بصرة
سوكا: و جى سوى ترى كون تونت
DEAD MAN: لا مش فاكرها دى
سوكا: بيمشو فى حاجات كتير
DEAD MAN: عطرك الذي تستخدم؟

DEAD MAN: الخنفرى
سوكا: هههههههههههههههه
سوكا: الزوووق
سوكا: اى خدعه
DEAD MAN: لا مش عارفة دة
DEAD MAN: جديد دة
سوكا: ههههههههه
سوكا: بس مش مع اى حد طبعا
سوكا: زوق و ادب بقا و كده
DEAD MAN: ايوة يا سيدى
DEAD MAN: ماشى يا عم
DEAD MAN: لون وجهك حين تغضب؟
سوكا: على حسب
سوكا: يعنى لو متضايقه وة مش عايزة ابين
سوكا: بيبقى طبيعى و فى ضحكه صفرا كده
سوكا: لو عادى بيبقى احريكا
DEAD MAN: مليانة غل يعنى
سوكا: احمممر
سوكا: اه بحاول على قد ما اقدر مبينش انى متضايقه
DEAD MAN: طول فتيل صبرك؟


سوكا: على حسب اللى صابرة عليه بردو
سوكا: لو غالى عندى بيبقى طويييييييييييييييييييييييل
سوكا: و لو بيرخم من اولها مبيبقاش فى فتيل اصلا
سوكا: على الصاروخ على طوول
DEAD MAN: اشطى
DEAD MAN: طولك؟
سوكا: اشاطيط
سوكا: 160
DEAD MAN: منهم 155 كعب
سوكا: ههههههههههههه
سوكا: لالا زحافى
DEAD MAN: طويب
DEAD MAN: ووزنك بالمرة؟


سوكا: 50 .. 55
سوكا: بيتراوح بينهم
سوكا: حلوة يتراوح دى
DEAD MAN: ربنا يستر عليكى من الهوا
سوكا: هههههههههه
DEAD MAN: رياضتك المفضلة؟


سوكا: المشى
سوكا: و يا سسلالام لو على البحر او فى جونينه
DEAD MAN: جونينة
DEAD MAN: اسوء عاداتك؟


سوكا: القلق
DEAD MAN: أفضلها؟
سوكا: التنفيض للى مضايقنى
سوكا: بقدر اشيل من دماغى الرخمين
DEAD MAN: ربنا يستر
سوكا: مبيشغلونيش
سوكا: ههههههههههه
سوكا: يا ابنى سوووكا
DEAD MAN: أقرب أصدقائك لنفسك؟


سوكا: ماما
DEAD MAN: مرادف الكلمات التالية....(رد بكلمة واحدة فقط)
سوكا: ربنا يستر
DEAD MAN: الصداقة بين ال***ين:
سوكا: لوقت معين
سوكا: تعيش لوقت معين
DEAD MAN: السعادة:
سوكا: الرضا
DEAD MAN: صدمة عاطفية:
سوكا: تكون فى كدب او خيانة احد الطرفين
DEAD MAN: حقيقة مرة:
سوكا: مفيش ثقه فى حد
سوكا: على رأي ابو الليف
DEAD MAN: مين ابو الليف دة
DEAD MAN: لمن...

DEAD MAN: تفضي بكل أسرارك؟


سوكا: ماااامتى
سوكا: و بسسسسسسسسسسسسسس
DEAD MAN: تضحك وأنت تبكي؟


سوكا: على النت
DEAD MAN: تهمس أحبك؟


سوكا: ماما
DEAD MAN: تصرخ أحبك؟


سوكا: لا مفيش
DEAD MAN: كيف وصلت للمنتدى؟ و من من الآعضاء/ العضوات تربطك بهم علاقة قويه أو من هذا القبيل ..

سوكا: زوكا
سوكا: اسمه على الفيس زوكا عماشة
سوكا: و انا نورا عماشة
DEAD MAN: ههههههههههههه
سوكا: و كنت عامله جروب بربط فيه العماشويه
سوكا: و قالى بقا على الجروب
سوكا: عيلة على فكرة عماشة
DEAD MAN: والله الفيس بوك خلانى عرفت ان العيلة بتاعتنا كبيرة قوى
DEAD MAN: عيلة الغيطى
سوكا: اه و انا كمان بردو
سوكا: ناس كتير طلعو عيلتهم عماشه
سوكا: و انا كنت فاكره انى اخرهم
DEAD MAN: لا دة كتير
DEAD MAN: كام واحد تتمنى تنسية
DEAD MAN: ؟
سوكا: مفيش
سوكا: كل حد عرفته حتى لو كان خدعنى
سوكا: بيعلمنى
سوكا: كتير
سوكا: و لو نسيته هغلط نفس الغلط تانى
DEAD MAN: ما هــي أحب 3 ألقـــاب في المنتدى إلى ذاتــك دون مجامله




سوكا: فخليه بقا اللى ييجى من الصعايده فايده
سوكا: القاب اتقالتلى ولا القاب ناس
DEAD MAN: القاب ناس
سوكا: لا عادى كله شغال
DEAD MAN: ما أصعب موقفٍ مرعليكِ في المنتديات ؟. وماهو الموقف


الذي تتمني أنكَ لم تفعله ؟ . وما هو أقربُ موضوع إلى نفسكَ مما كتبتِ َ؟
سوكا: مووقف صعب .. مفيش
سوكا: و بردو مفيش حاجه عملتها و ندمت عليها
سوكا: و اقرب موضووووووع
DEAD MAN: اها
سوكا: ثوانى اشوفهم اصلا اانا مش فاكره
سوكا:
DEAD MAN: ماعينا
DEAD MAN: سيبك من دة دوقتى
سوكا: لا مفيش اصلا
سوكا: موشى
DEAD MAN: لو رجعَ بكَ الزمنُ إلى الوراء ، فما الأمورُ التي تود ُ أن تحققها بعد أن ندمتَ حاليا على أنك ضيعتها من بين ايديك؟




سوكا: اديينى
سوكا: هقول رأيي فى موقف حصل لاحد قريب ليا
سوكا: لانى مقولتوش ساعاتها و بعدها
سوكا: عرفت ان رايي انا اللى كان صح
DEAD MAN: المايك معاكى
سوكا: افسر عن كده يعنى ولا ايه ؟
DEAD MAN: لو ينفع
DEAD MAN: لو لا خلاص
سوكا: لا بلاش احسن لانه موشوع عائلى بقا و كده
DEAD MAN: اوكى
DEAD MAN: الحياة خير معلم..فماذا تعلمت منها ؟

سوكا: مصدقش بسرعه المشاعر اللى بتبانلى
سوكا: ثوانى
DEAD MAN: ونروح لاستراحة نشرب حجرين لحين عودة سوكا
DEAD MAN: وربنا يستر ومش تكون بتجيب سكينة
سوكا: انا كيييت
DEAD MAN: فية سكاكين او اى حاجة
سوكا: لالا نضيف
DEAD MAN: كويس
سوكا: يعنى ممكن واحده تبينلى انها بتحبنى و صديقه جامده جامده بقا
سوكا: بس متطلعش كده
سوكا: و كمان محكمش على الشخصية بالمظهر
DEAD MAN: ماذا يعني لك:

الأم

الورد

الأمل

الحياة

الحزن

الصداقة

الحب

سوكا: الام .. اساس البيت و الحياة و تكوين الشخصيه
سوكا: الورد .. انا نسيت اقول انى بحبه مع الحاجات اللى فاتت
سوكا: و بيكون ليه معانى كتير اوى
سوكا: اهمها الحب و الاخلاص و التقدير
DEAD MAN: لوز
سوكا: يعنى بالنسبالى ورده واحده احلى من هدايا كبيييرة و كتيير
سوكا: الامل .. هو النور فى الحياة
سوكا: الحياة .. مش كلها حلو و مش كلها وحش .. كوكتيييييل فيه كللل انواع الفاكهه
DEAD MAN: اهاز
سوكا: الحزن .. دليل على ان كان فى فرحه قبله
سوكا: الصداقة .. انواااع كتيير
سوكا: الحب .. الهوا لكل انسان و كل واحد عشان يعيش لازم يتنفسه


طبعا اتشرفنا انهاردة بابن بلد اللى كان موجود معانا انهاردة على القهوة

ونتمنى لة اسعد الاوقات

والى اللقاء فى قاعدة جديدة وابن بلد جديد




رفعت القاعدة