بم ان الحلقه الى فاتت كانت طويله دى قصيره بقا
بس اوعدكوا ان الحلقه الى بعدها هتبقى اطول
وقنا ان احمد وهاله كانوا سهرانين بره وروحها
وهاله اول ما روحت نادتت ع مامتها
تعالوا نشوف الحوار ده
هاله : ماما انتى فين
والده هاله : تعالى يا حبيبتى انا ف الاوده اهو
هاله : ماما بجد انا فرحانه اووووى النهارده
والده هاله : خير يا حبيبتى فرحينى
هاله : ماما ممكن تحكيلى عرفتى بابا ازاى ؟
والده هاله : ههههه اشمعنا يعنى
هاله : قوليلى بس يا ماما والنبى
والده هاله : كنا ف الجامعه وهو كان ف كليه الهندسه ف سنه تالته وانا لسه داخله سنه اولى ف كليه تجاره شافنى وكلمنى وبعدها خلص سنه الكليه وجه اتقدملى واتخطبنا ولما خلصت انا اجوزنا
هاله : حلو اوى طيب يا ماما عملتوا ايه ف السنه الى كنتوا بتكلموا فيها
والده هاله : قولى عاوزه توصلى لايه من الاخر
هاله : بصراحه كده يا ماما انا شكلى وقعت
والده هاله : وقعتى ازاى يعنى
هاله : يعنى حبيت يا ماما
والده هاله : حبيتى !! مين بقا ان شاء الله
هاله بتردد : ماللك يا ماما وشك اتقلب كده ليه
والده هاله : لا متقلبش ولا حاجه بس احكيلى
هاله : هو بصراحه حد محترم اوى وزميل ليا ف الكليه
والده هاله : زميل ليكى . قدك ف السن يعنى
هاله : اها يا ماما قدى ف السن:
والده هاله : يعنى حضرتك ترفضى ابن عمك الى معاه فلوس وهيعيشك احله عيشه وجاهز وترفضى ابن صاحب ابوكى وجاهز برده عشان عيل صغير قدك ف السن
هاله : اولا يا ماما هو اكبر منى ب سنتين بس هو قدى ف الدراسه وثانيا يا ماما هو مش عيل هو حد محترم جدا وراجل وكمان يا ماما انا مش يهمنى فلوس ويهمنى اعيش ف قصر حتا قد ما يهمنى انى اعيش سعيده مع حد بحبه ان شالله لو هنعد ف شقه اوده وصاله
والده هاله : يعنى انتى متوقعه انى لو حتا انى وفقت عليه ابوكى هيوافق ويا ترى متوقعه انك تستنيه لحد ما يتخرج ويبقى عنده 23 سنه ولما يكون نفسه قدامك ع الاقل لما يبقى عنده 27 سنه وانتى هيكون عندك 25 سنه .. انتى فاكره بقا ان ابوكى هيرضى بكده
هاله : ومش يرضى ليه يا ماما مش اهم حاجه سعادتى مه انسان يخاف عليا ما انا ممكن اجوز الى انتوا عاوزينه ومش ابقا سعيده
والده هاله : يا بنتى الى انتى فيه ده سن مراهقه كلنا مرينا بيه وعقلنا بعدها انا عاوزاكى مش تكلمى الولد ده تانى وحاولى تنسى الموضوع ده
هاله : يا ماما الى انتى متعرفهوش ان هو قالى مش هيكلمنى الا لما اقوللك ع الاقل انتى الاول علشان هو قالى انا مش احب اجوز بنت خانت ثقه اهلها فيها عشان اذا عملت كده ازاى هئتمنها ع بيتى وشرفى بعد كده
والده هاله باستغراب : برده ده مش ينفع يا هاله صدقينى لو كان حد اكبر وخلص ماشى يا حبيبتى بس ده لسه قدامه مشوار
هاله : ويا ترى لما انتى وبابا كنتوا بتكلموا ايام الدراسه ولما استنتيه وجاللك اتقدمللك ووفقتى ده كان ايه ان شاء الله
والده هاله : انتى عاوزه تقارنى ايامنا بايامكوا احنا ايامنا كان فيه رجاله .. انا مش بقوللك مش تحبى لا حبى يا حبيبتى بس بالعقل وبالصح مش بالغلط والطريقه دى متنفعش
هاله : ماما انا بحب احمد وعارفه ومتاكده ان احمد بيحبنى انا بس قولتللك عشان مش بحب اكون حاسه بمشاعر تجاه حد معين وانتى مش تكونى عارفه
والده هاله : بس الى انتى بتعمليه ده غلط وانا كده هقول لباباكى عشان تقريبا احنا دلعناكى
هاله : قولى لبابا وقولى للدنيا كلها انا خلاص اخدت قرارى
والده هاله : يعنى ايه اخدت قرارك يعنى هتجوزيه بالعافيه
هاله : لا طبعا مش كده ولو انا قبلت ده هو مليون ف الميه مش هيقبلوه .. بس الاكيد انى عمرى ما هتغصب على حاجه انا مش عاوزها
والده هاله : يا هاله يا حبيبتى انا مش عاوزه اغصبك ع حاجه كل الموضوع انى عاوزاكى تفكرى وتشوفى الصح فين مش تمشى وراء قلبك ومشاعرك وبس
هاله : ماما انا فكرت وعن اذنك انا تعبانه وعاوزه انام
ودخلت هاله اودتها وعيونها مليانه دموع ومسكت مخدتها وحضنتها وفضلت تعيط جامد اوى ومسكت الموبايل بتاعها وغيرت اسم احمد من ع موبايل باسم حبيبى ودخلت ع رسائلها وكتبت رساله لاحمد بتقوله ( بحبك اوووووى ) وقفلت موبايلها ... احمد استلم رساله هاله .. ومن كتر ما كان فرحان بس قلبه كان حاسس ان ف حاجه ومسك تلفونه وكلمها ولاقى تلفونها مقفول قلق اكتر بعتلها رساله ان اول ما تفتح موبايلها تكلمه علطول وان هو مش هينام وهيستناها .وفضل مستنى ومستنى وقلبه حاسس ان ف حاجه حصلت وكان خايف اوى فضل احمد سهران ومنمش وكل شويه يتصل ويلاقيه مقفوله لحد ما راح احمد الكليه .. اعد يدور عليها مش لاقها ولاقى صحبتها اسماء
احمد : اسماء بعد اذنك ممكن دقيقه
اسماء : اتفضل يا احمد
احمد : هاله مش عارف قافله موبايلها ليه وقلقان عليها اوى
اسماء : والله اي احمد مش عارفه انا حتى بتصل بيها ولقيته مقفول برده
احمد : طب ممكن اطلب طلب منك معلش واسف يعنى
اسماء : اتفضل
احمد : روحلها البيت بس وشوفهالى لانى قلقان بجد عليها
اسماء : مفيش مشككله بس هعمل حاجه بسس فوق ف القسم وانزل اروحلها واجى تانى
احمد : شكرا اوى يا اسماء وانا مش همشى من الكليه الا لما تيجى
وخلصت اسماء وراحت بيت هاله ومامتها فتحت وبتسالها عن هاله قالتها ف اودتها يا حبيبتى ادخليلها
واسماء فعلا دخلت وخبطت وهاله قالتلها تتدخل
اسماء : ايه مالك يا حبيبتى عينيكى حمره خالص
هاله : تعبانه بس شويه
اسماء طب انتى اكلتى واخدتى دواء ولا لا
هاله : لا مش عاوزه قوليلى بس انتى عامله ايه
اسماء : انا الحمد الله كويسه بس ف ناس تانيه قلقنين عليكى ومش كويسين
هاله باستغراب : مين
اسماء : احمد هيموت من القلق عليكى وكان من الصبح ف الكليه ومش عارف يوصللك وقالى اجيللك وكده
هاله وجموعها ف عنيها : انا بحبو اوى يا اسماء وكلمت ماما وماما رافضه الموضوع نهائى ومش عارفه اعمل ايه
اسماء : اهدى بس ومتحطيش الموضوع ده ف دماغك الوقتى وباذن الله كل حاجه هتتحل وهتبقوا لبعض
هاله : مش قادره افكر انى ممكن اكون لحد تانى غير احمد
اسماء : يا بنتى مش تقلقى المهم الوقتى احمد عاوز يطمن عليكى
وهاله مسكت التلفون واتصلت باحمد
وهنشوف حصل ايه ف المكالمه دى الحلقه الجايه
09-24-2011, 12:46 AM
العرض العادي
