العودة   ولاد بلد | منتديات ولاد بلد > ولاد بلد | الاقسام الفنيه و الادبيه > مواهب ولاد البلد

مواهب ولاد البلد مواهب ولاد البلد الادبيه ، والشعريه ، والفنيه ، والغنائيه ، ضعها وانتظر تقيمها

Breaking News خبر عاجل



يوميات شاب من المنصوره ...(الحاديه عشر) متجدده .. تاليفى

متجدده , المنصوره , يوميات يوميات شاب من المنصوره ...(الخامسه عشر) متجدده .. تاليفى بسم الله الرحمن الرحيم ازيكوا يا شباب .. ازيكوا يا بنات ولاول مره ف حياتى .. هالف قصه بس

إضافة رد إنشاء موضوع جديد
 
LinkBack أدوات الموضوع إبحث في الموضوع انواع عرض الموضوع
  1  
قديم 04-22-2011, 12:09 AM
A.H.M.E.D
 
يوميات شاب من المنصوره ...(الخامسه عشر) متجدده .. تاليفى


بسم الله الرحمن الرحيم

ازيكوا يا شباب .. ازيكوا يا بنات

ولاول مره ف حياتى .. هالف قصه
بس مش مشكله ادينى بنجرب .. وانا مش هلاقى احسن من المنتدى
اجرب فيه .. مش كده ولا ايه يا زوكا ؟؟يوميات المنصوره ...(الخامسه عشر) متجدده تاليفىيوميات المنصوره ...(الخامسه عشر) متجدده تاليفى

قصتى اعدت يجى ساعه افكر ف عنوان ليها .. ومش لقيت عنوان غير ده وقولت
بس خلاص هو ده ومش هتنازل عنه

(يوميات شاب من المنصوره )


الشاب ده قريب منى .. بس مش انا اكيد .. عشان بس الى يعرفونى من قريب
القصه .. شبه حقيقيه .. فيه حجات مرينا بيها وبنعيشها مع بعض كاننا اصحاب وحبايب
القصه طبيعيه وجميله .. يمكن تعجبكوا ويمكن لا !! لو عجبتكوا اكيد همشى ف النظام ده وازداد فيها باسلوب احسن
ولو مش عاجبتكوا
يوميات المنصوره ...(الخامسه عشر) متجدده تاليفى ادينا عملنا حاجه جديده لينا .. ويمكن اعمل حاجه ف نفسى بقا يوميات المنصوره ...(الخامسه عشر) متجدده تاليفى

القصه هتكلم عن الواقع الى احنا فيه وايه الى بيحصل فيه من حورات ومن مواقف بتحصل قدامنا .. او بنحاول نخمنها ع قد ما نقدر
يوميات المنصوره ...(الخامسه عشر) متجدده تاليفى

احنا هنمشى مع بعض حلقه بحلقه عشان نشوف قصتنا النهارده هتكون عامله ازاى ؟؟
يوميات المنصوره ...(الخامسه عشر) متجدده تاليفى

*نبذه مختصره عن القصه*


القصه هتكون زيها زى اى قصه بس هيكون فيها اختلافات .. بس ممكن تكون فيها نفس الفكره الاختلاف الى هيبقى فيها . بدل ما انا اعملها كوبى وباست .. قررت انا اكتبها والفها .. قريبه اوى اوى من الحقيقه
القصه هتكلم عن الحب ومشاكله وحوراته .. هبتديها انا معاكوا وهتبقى حلقه كل اسبوع كل 4 ايام .. ممكن تكون كل يوم ع حسب بقا ظروفى وقدرواتى ( ما انا مش سوبر مان )
يوميات المنصوره ...(الخامسه عشر) متجدده تاليفى

( ابطال القصه )

احمد (البطل)
يوميات المنصوره ...(الخامسه عشر) متجدده تاليفى

كريم

محمد

اسامه

ماهر

هاله (البطله )
يوميات المنصوره ...(الخامسه عشر) متجدده تاليفى

داليا

نور

منال

اسماء

* نبذه عن الابطال *

احمد

طالب ف كليه اداب ( مش انا ) 21 سنه بس لسه ف سنه تانيه (كده انا )
يوميات المنصوره ...(الخامسه عشر) متجدده تاليفىيوميات المنصوره ...(الخامسه عشر) متجدده تاليفى
عارف بنات كتير اوى وبيكلمهم وكمان بيتسلى ببعضهم او بيتسلى بالى بيحتاج منهم للتسليه
بيشرب مخدرات بس مش مدمنها .. عنده اصدقاء سؤء كتير .. محبوب ف وسط ناس ومكروه ف الوسط التانى
بالنسبه للحب .. مش حب غير مره واحده وانتهت وراحت لحالها
وفتره حب اعدت سنه من وهو عنده 17 سنه لحد 18 سنه وخلصت الحكايه

هاله

بنت محترمه جدا ف قمه الادب .. جمالها ولا القمر ف مكانه .. رقيقه جدا ..
ابتسامتها جميله جدا .. بنت بمعنى الكلمه كامله .. جدعه اوى وطيبه جدا
محبوبه اوى وسط اصحابها .. بتحبهم وبيحبوها . دمها خفيف
بالنسبه للحب .. تعرف عنه كتير بس هى مش عاوزه تجربه .. خوف من الحب
خايفه يحصل زى الى بتشوفه مع اصحابها والى بتسمعه .. ف الموضوع ده بالنسبالها منتهى مفيش حب

ومن الوقتى هنبتدئ اول حلقه معانا النهارده

المكان .. ف كليه اداب

شله واقفه من بعيد .. هنبتدئ نقرب منهم


كريم
: ايه يا عم احمد .. مكشر كده ليه ؟؟

احمد : يا عم اتخنقت كل يوم نفس الحورات ونفس المووايل .. ياما نفسى معنتش انزل ام الكليه دى
بس هروح فين بالنهار بس ما انا مش طايق اعده البيت وابويا قارفنى ف عيشتى وكنت فين
ومع مين ونازل لمين واصحابك الصايعين زيك ويعد يكلمنى ع الدراسه وانا مش ناقص

ماهر
: يلا يا عم امشى من هنا انت جاى تنكد علينا انا مزاجى حلو ومش ناقص

اسامه : اها يا عم ماهر ما هى والعه معاك حب وتلفونات واشعار وهدايا الله يسهله

احمد : حب ايه يا ابنى هو فيه بنات تتحب بكره ترميك وتجوز غيرك

محمد : خليك انت ف الحريم بتوع يا عم ما انت مقضيها

احمد : الحمد الله ولا بوعد حد بحاجه ولا بقول لحد بحبك .. هما الى بيحبونى وبيقولى

كريم
: ما انت الى بتعشمهم يا عم وبتكلمهم حلو

احمد :يا عم هو انا المفروض اكلمهم وحش عشان مش يعرفونى تانى . وبعدين هو انا بروح للبت واقولها
تعالى قوليلى بحبك .. من نفسهم يا عم والله

اسامه : انت هتقولى بكره انت بقا تلاقى واحده تمشيك ع العجين متلخبطوش

احمد : انسى يا ابنى انا مش بتاع الكلام ده

وتيجى واحده تنادى ع احمد وبتقولى عاوزاك ..

احمد : اقلبوا بقا يا رجاله الحريم جم اهو

كلهم ف نفس واحد : غور يا عم ومتجيش تانى

(بيحبووووووه اووووووووى )

نيجى بقا لقعده البنات

منال : ايه يا هاله سرحانه ف ايه ؟؟

هاله : ولا حاجه يا بنتى عادى

نور : اها يا بنتى وكمان شكللك مخنوقه

هاله : لا والله ابدا اصل النهارده ماما قالتى مش اتاخر واروح الساعه 3
وانا عندى محاضره 4 وهتخلص 6

داليا : طب ما تكلميها يا بنتى وتقوليلها

اسماء : اصلا المحاضره دى هتكون رخمه وطويله ع الفاضى والدكتور رخم .. روحى عشان ماما مش تزعل

هاله : ما انا بفكر ف كده برده وهبقا اجى بكره اشوف خدوا ايه

نور : سيبكوا من الكلام ده بقا انا جعانه عاوزه اكل

هاله : اها والله وانا كمان .. يلا هناكل ايه ؟؟

اسماء : انا اصلا مش معايا فلوس اعزمونى بقا

منال : .. يبقى خلاص نروح البغل

كلهم ف صوت واحد وبيضحكووووووا

داليا
: اها وناكل ف الكليه ونتفضح

هاله : ليه يا بنتى هو حرام ولا عيب مبحبش الى بينكروا اصلهم
وهناكل بقا البغل وف الكليه وقدام الناس

منال : يلا محدش واخد منها حاجه

داليا : انا موافقه بس يا رب ماهر مش يشوفنى

هاله ومنال راحوا اشتروا الساندوتشات وبياكلوا ف الكليه

نرجع للشباب

كريم : الحق ياض يا ماهر داليا بتاكل فول وطعميه من البغل ف الكليه

ماهر : وماله يا عم ما تاكل براحتها هو عيب

محمد : وفيه ايه يا عم كريم مبتكلش انت منه ولا ايه

اسامه : يا عم سيبك منه ده بتاعى بابى ومامى

كريم : يا عم خلاص انت وهو انا مالى

اسامه : سيبكوا انتو بس منهم الوقتى .. الولا احمد واقف مع حته دين بت ملهاش حل
جسم ايه وجمال ايه حاجه من الاخر يعنى

محمد : فين فين .. اووووووووووف تصدق اها يا بخته

كريم : الواد ده بيقف مع شويه بنات ومش مرتبط لحد الوقتى ازاى !!

ماهر : يلا يا عم ف داهيه ان شلا عنه ما ارتبط هنعمله ايه يعنى

كريم : انت يا ابنى ماللك ومال الواد

ماهر : اصلا من اول ما عرفته وهو مش بينزلى من زور مش عارف ليه

اسامه
: يا عم ده واد راجل وجدع

ماهر : يا عم جدع ولا راجل انا هجوزه

محمد : اصلا الواد ده صعبان عليا من ساعه ما البت الى كان بيحبها سابته وهو بقا واحد تانى

كريم : ياااااااااااه ده من زمان اوى يا عم وهو لسه بيحبها ولا ايه

اسامه : لا ياعم ده نساها خلاص بس هو مش حايت ف دماغه اصلا الموضوع ده

احمد جاااااااى من بعيد وجاى ناحيتهم

ماهر : يا باااااااااى اهو جاى علينا اهو

كريم : يا عم فكك بقا متحطش الواد ف دماغك

ماهر : خلاص يا عم

اسامه
: ايه يا ابنى البت الى انت واقف معاها دى .. دى جامده جدى
يوميات المنصوره ...(الخامسه عشر) متجدده تاليفى

احمد : اقل حاجه عندى يا ابنى
يوميات المنصوره ...(الخامسه عشر) متجدده تاليفى
محمد : يا ابنى بطل غرور بقا

احمد : مش غرور يا ابنى .. ده الواقع
يوميات المنصوره ...(الخامسه عشر) متجدده تاليفى

محمد : انت هتقولى !!

احمد : المهم انا جعان هناكل ولا ايه ؟

ماهر : تعال نروح ناكل البغل

كلهم ما عدا احمد بيضحكوا

كريم : عشان الجماعه بتاكل البغل نروح ناكل البغل

احمد بضحكه كده : اها دى واقفه هناك اهى مع شلتها الممله وبتاكل ههههههه شوفوا بتاكل والنبى الساندوتش ازاى

ماهر : وانت مال اهللك انت ما تاكل زى ما هى عاوزه

احمد : ايه يا عم انت قفشت ليه .. كلمتك انا الوقتى !!

ماهر : يا عم ولا تكلمنى ولا اكلمك اقلب معتش تقف معانا

اسامه : اهدوا يا جدعان

محمد
: ايه الهبل الى انتوا الاتنين بتعملوا ده

كريم : يا جدعان الكليه بتبص علينا

احمد : انت اهبل يلا ولا ايه ما تكلم عدل

ماهر : ما انت عيل اصلا ابن ..... تيت تيت
يوميات المنصوره ...(الخامسه عشر) متجدده تاليفى

احمد : ده انا وحياه امى ما هسيبك

واتخنقوا مع بعض والكليه اتفرجت كلها وحرس الكليه اخدهم لقائد الحرس
كل ده وشله هاله كلها شافت المنظر وداليا اضيقت من احمد اوى


وهنا خلصت اولى حلقات
يوميات شاب من المنصوره
وف الحلقه الجايه هنعرف ايه الى حصل بينهم

يوميات المنصوره ...(الخامسه عشر) متجدده تاليفىيوميات المنصوره ...(الخامسه عشر) متجدده تاليفىيوميات المنصوره ...(الخامسه عشر) متجدده تاليفىيوميات المنصوره ...(الخامسه عشر) متجدده تاليفىيوميات المنصوره ...(الخامسه عشر) متجدده تاليفىيوميات المنصوره ...(الخامسه عشر) متجدده تاليفىيوميات المنصوره ...(الخامسه عشر) متجدده تاليفىيوميات المنصوره ...(الخامسه عشر) متجدده تاليفى




d,ldhj ahf lk hglkw,vi >>>(hgohlsi uav) lj[]]i >> jhgdtn hglkw,vi


من مواضيعى فى المنتدى 0 طاجن الفاصوليا الخضراء باللحمة
0 مـُجـــرَد كـَـابوســ
0 اعلنت الفيفا افضل لاعبين 2009
0 بديهات بتاخد العقل
0 آنظر هُنـآ يآ ™Mr/KarThA حتى لآ يحذف موضوعك $$ قوآنين القسم $$

  2  
قديم 04-22-2011, 12:27 AM
»● zOka ●«
 
رد: يوميات شاب من المنصوره ... متجدده

هههههههههههههههههههه

جامده ياض وممتعه بجد

مستنى حلقااااتك كلها

وليك عندى تصميم يتحط ف الاعلانات نقره لعرض الصورة في صفحة مستقلة


من مواضيعى فى المنتدى 0 ???? ????? ????? ?????? ??? ?? ????? ???????
0 استياء تربوي وشعبي من «تعذيب» معلمة تأسيسي طلابها
0 6-legged baby doing well after major surgery
0 الجيش الحر يؤكد توغل 20 مجموعة من حزب الله في سوريا
0 فقط وحصريأ أخر إصدار من برنامج مؤثرات الكاميرا الرهيبWebcamMax 5.5.1.6
  3  
قديم 04-22-2011, 12:28 AM
Mr/Ahmed
 
رد: يوميات شاب من المنصوره ... متجدده

دى اخرت اللى يتكلم على البنات

تسلم ايديك ياابوحميد على القصه وبجد قصه جامده يمعلم ومستنين الحلقات القادمه

شكل احمد وماهر ده عاملين زى ناقر ونقيرررر :D:D:D



من مواضيعى فى المنتدى 0 مكياج العروسة المحجبة
0 ملابس سباحه للمحجبات
0 كيفيه الربح المجانى من على النت ( شركات الربح المجانى PTC )
0 حصريا اسطوانه الصيانه المعروفه والمشهورة فى العالم Hiren's BootCD بأحدث اصدارتها مع KeyBoard Patch على اكثر من سيرفر
0 تحميل برنامج UltraISO.Premium لعمل نسخه وهميه ونسخ اسطوانات + شرح كيفيه تفعيل البرنامج بالصور
  4  
قديم 04-22-2011, 12:30 AM
A.H.M.E.D
 
رد: يوميات شاب من المنصوره ... متجدده

المشاركة الأصلية كتبت بواسطة zOka يتوجب عليك الرد اولا حتي تري الروابط
هههههههههههههههههههه

جامده ياض وممتعه بجد

مستنى حلقااااتك كلها

وليك عندى تصميم يتحط ف الاعلانات نقره لعرض الصورة في صفحة مستقلة

اوى بقا يا زوكا .. اشطه وانا هستمر زى ما قولتللك بقا
وان شاء الله تتطلع ف الاخر قصه حلوه ومفيده وممتعه نقره لعرض الصورة في صفحة مستقلة

من مواضيعى فى المنتدى 0 بداية الحمل من اولة لاخرة
0 ( صدق أو لا تصدق ) عمرك فكرت أنك ممكن تكون لعبة
0 الطقطقه ...!!
0 الـــــــــــــــــــــــــــــــوداع
0 حكاوى مجتمع الحب .. الحكايه الثانيه ( انانيه الحب ) !! ج 1
  5  
قديم 04-22-2011, 12:35 AM
A.H.M.E.D
 
رد: يوميات شاب من المنصوره ... متجدده

المشاركة الأصلية كتبت بواسطة Mr/Ahmed يتوجب عليك الرد اولا حتي تري الروابط
دى اخرت اللى يتكلم على البنات

تسلم ايديك ياابوحميد على القصه وبجد قصه جامده يمعلم ومستنين الحلقات القادمه

شكل احمد وماهر ده عاملين زى ناقر ونقيرررر :D:D:D



ههههههههههههه .. ربنا يستر بقا من الحلقات الجايه ومش يقتلوا بعض يا ابو حميد
شكرا ليك .. وما زال للحقات بقيه نقره لعرض الصورة في صفحة مستقلة

من مواضيعى فى المنتدى 0 الاسماعيلي يواجه سوفاباكا .. والأهلي ينتظر الفائز من بطلي زيمبابوي وزانزيبار
0 معلومات عن القسم
0 مشاكل , مشاكل , مشاكل
0 صلاة الفجر هي مقياس حبك لله عز وجل
0 عيد ميلاد جوجو يا جماعه
  6  
قديم 04-22-2011, 04:35 PM
Queen Of SenSes
 
رد: يوميات شاب من المنصوره ... متجدده

بجد عجبتني أوى
وممتعه جدا جدا واكيد الحلقات اللى جايه هتبقي فله
تسلم ايديك ودماغك ياتيجر


من مواضيعى فى المنتدى 0 بالفيديو اسلام رجل الماني وزوجته علي يد الشيخ ابو اسحاق الحويني في المانيا(مشهد
0 يارسام ... من فضلك لون لى الاحلام
0 مفارش حلوه اخر حاجه
0 طفلة حــــــــــــــــــــــامل تخيلوووووووووووووو
0 فتاة تطلب مهرها رأس والدها!!!!!
  7  
قديم 04-22-2011, 04:47 PM
A.H.M.E.D
 
رد: يوميات شاب من المنصوره ... متجدده

المشاركة الأصلية كتبت بواسطة Queen Of SenSes يتوجب عليك الرد اولا حتي تري الروابط
بجد عجبتني أوى
وممتعه جدا جدا واكيد الحلقات اللى جايه هتبقي فله
تسلم ايديك ودماغك ياتيجر

احم احم نقره لعرض الصورة في صفحة مستقلةنقره لعرض الصورة في صفحة مستقلة انا كده هتغر من نفسيتى
تسلميلى انتى يا زوزو

من مواضيعى فى المنتدى 0 الامراض المنقوله عن طريق الغذاء
0 ملابس للممتلئات الحوامل ملابس للحوامل
0 خاص .. زيدان: كنا نستحق مقعدا في المونديال .. وسنثبت ذلك في كأس الأمم
0 مشاكل , مشاكل , مشاكل
0 هل دموع الحب أقوى أم دموع الفراق
  8  
قديم 04-23-2011, 04:51 PM
A.H.M.E.D
 
رد: يوميات شاب من المنصوره ... متجدده

خلصت الحلقه الاولى .. ان احمد وماهر اتخانقوا مع بعض وراحوا لقائد الحرس
وان شله البنات وداليا حبيبه ماهر شافتهم واتخنقت اوى
تعالوا نشوف ايه الى حصل ف الحلقه التانيه


(2)

احمد اتنرفز اوى من الى حصل .. وماهر كمان جدا والاتنين عاوزين يكملوا خناق بره الكليه
اسامه وكريم اعدوا يهدوا فيهم ومحمد راح يكلم احمد ويقوله اهداء كده يا عم ما انت غلطان برده
انك اتريقت واحمد يقوله لا يا عم مش غلطان وفيها ايه يعنى غلط ف البخارى وربنا ما هدخله الكليه تانى
اسامه وكريم يقولوا لماهر يا عم هو مش قال حاجه غلط تعال عشان نراضيكوا ع بعض
وبعد محايله كتيره ماهر وافق .. لكن احمد مش وافق خالص وناوى ان هو يزعل ماهر ويعمله حاجه مش تمام


ماهر : يا عم انا غلطان اصلا انى سمعت كلامكوا .. ال اروح اراضيه ال
كريم : يا عم انت مش وفقت هو بس زعلان من الى حصل
اسامه : انت يا عم مش الى احنا بنعمله مع الغريب هنعمله ف بعض
ماهر : قوله بقا الكلام ده
كريم : ما انت ياعم الى قافش عليه من الصبح ومش طايقله كلمه
ماهر : يا عم انا مش بستريحله
اسامه : انت مخنوق منه اصلا عشان البنات الكتير الى هو يعرفهم والى بيعمله مع البنات
ماهر : يا عم هو بالظبط كده انا بستحقر الى يعرف بنات كتير .. براحتى يا عم
كريم : وانت ماللك يا عم .. هو انت شريكه ؟
ماهر : ولا شريكه ولا حاجه خلاااااااااااص

محمد واحمد لسه بيتكلموا ف الموضوع ده ومحمد بيحاول كتير ان هو يعقل احمد ويبطل جنان
واحمد لسه مخنوق .. اسامه وكريم ندهو ع محمد عشان يعد مع ماهر .. وراحوا هما لاحمد


كريم : ايه يا ابنى ملوش لزمه الى بتعمله ده يااحمد
احمد : يا عم هى جات كده اصلا .. معرفش ازاى ؟؟ انت عارفنى مش بحب الخناقات
اسامه : اها انت هتقولى انت بس بتحب تشعللها
احمد : مع الغريب يا عم مش مع الاصحاب
كريم : اديك قولتها مع الغريب بس .. والاصحاب مينفعش
اسامه : بس الى انتوا عملتوه ده شغل عيال يا ابنى ومش ينفع .. هو هيجى يراضيك وتراضوا بعض وخلصت
احمد : يا عم سيبها لله بس

واعدوا يكلموا مع احمد كتير اوى لحد ما اقتنع ان هو مش يعنل حاجه من الى كانت بدور ف دماغه دى
ف الوقت ده .. داليا واقفه مع شلتها وكلهم مضايقين من احمد
داليا طلعت التلفون واعدت تتصل ب ماهر

داليا : الوووو يا ماهر .. انت فين
ماهر : انا بره الكليه
داليا : وايه الى حصل ده واحمد صحبك ده عمل كده ليه وتتخانق مع واحد زى ده ليه
ماهر : مفيش حاجه حصلت وخلاص قفلى ع الموضوع
داليا : يا ماهرانا قلقانه عليك .. مش عاوزاك تعرفه تانى
ماهر : جرا ايه يا داليا انتى هتعرفينى اصاحب مين ومش اصاحب مين
داليا : يا حبيبى انا مش اقصد بس انا خايفه عليك منه ومن الى هو يعرفهم
ماهر : داليا معنتيش تكلمى معايا ف الموضوع ده تانى
داليا : ماشى يا حبيبى انا اسفه متزعلش منى
ماهر : مش زعلان ونكلم بعدين بقا
داليا بزعل : ماشى سلام
ماهر : سلام
محمد : ايه يا ابنى زعلتها منك ليه
ماهر : يا عم انا مخنوق اصلا وجايه تكمل عليا
محمد : بس براحه مش كده برده

احمد وكريم واسامه جاين عليهم عشان يتراضوا

ماهر : هما جايين اهو والى خلقنى يا محمد لو قال كلمه ضيقتنى وربنا ما هسيبه
محمد : متقلقش يا ابنى ما انت عارف اسامه المقنع

كريم : ايه يا ابنى اضحك بقا بدل التكشيره دى
اسامه : الواد احمد جاى يقوللك حاجه
احمد : متزعلش يا صحبى انا مش كنت اقصد ( ويبوس دماغه )
ماهر : ولا انا كمان يا سيدى وانت ع دماغى يا ابو حميد (ويبوس هو كمان دماغه )
اسامه : اهم حاجه الوقتى هناكل امتا
ماهر : انت علطول همك ع بطنك كده
احمد :احنا نروح ناكل ف البغل
كريم : وناكلهم هنا ف الكليه
محمد : انسا
احمد : لا يا عم برستيج يروح منى ههههههههههه احنا ناكل هناك ولا ايه يا ماهر ؟
ماهر : يا سيدى اى حته المهم انا جعان الوقتى

ويروحوا ياكلوا من عند البغل وتوتو ع كبوتو ( يعنى كل واحد بيحاسب لنفسه ) هههههههههه
نرجع بقا ع الحوار الى كان بين شله هاله كلها


داليا : اووووووووووووف وانا مالى يا ناس بيتخنق منى ليه بس
هاله : يا باى رجعنا برده لحوراتك يا داليا .. يا بنتى طالما مش اد الحب بتحبى ليه
منال : جرا ايه يا برنسيسه انتى ؟ عشان مش جربتيه هتشمتى فينا
هاله : انا ؟ والله ابدا يا بنتى مفيش احلى من انى اكون سينجل كده . بلا وجع دماغ

وبعدين عاوزانى ابقا زيكوا كده عشان يجيلى الضغط والسكر

نور : بس ماهر اتخانق مع احمد ليه ؟
داليا : اسكتى ده انا بدات اكره كل الى اسمهم احمد . الواد ده مبحبوش اصلا
اسماء : بس الواد عسل يا بنتى ولا ايه رايك يا هاله
هاله : وانا مالى يختى عسل ولا بصل مليش دعوه
منال : هو الواد اصلا مش فيه الا عيون .. مره وانا معديه من جنبه كده بصيت ع عيونه
كان حته دين عيون ملهاش حل
هاله : احسدى الواد بقا
اسماء : مش انتى قولتى انتى مالك بتكلمى معانا ليه بقا
هاله : خلاص هسكت
داليا : اصلا الواد ده بتاع بنات .. وانا سامعه عنه قصص وحورت كتير وحشه
هاله : مش تحكمى ع حد غير لما تتعاملى معاه
منال : صح كده بس هو اصلا باين عليه كده يا هاله اصلا
هاله : هو من ناحيه باين ف هو باين بس محدش عالم جوه ف ايه
اسماء : طب ما تتدخلى جواه يا هاله وشوفى كده يمكن تلاقى حاجه
داليا : اها من ناحيه هتلاقى ف هتلاقى . ممكن تلاقى سجاير او مخدرات وهتلاقى سواد من جوه
منال : انا عمرى ما شوفته بيشرب سجاير يا بنتى
داليا : انا شوفته اصلا بيشرب مخدرات هو واصحابه ف الكليه
هاله : والله كل ده لنفسه وهيرجع يندم ف الاخر
نور : خلاص يا جماعه .. سيبكوا من السيره دى ..خلونا نروح

هاله بتبص ف ساعتها

هاله : يلا يا جماعه انا كده هتاخر .. همشى انا عاوزين حاجه
نور : خدينى معاكى اروح
هاله : تعالى بس انتى الى هتعزمينى
نور : وماله انا عنيا ليكى
هاله بضحكه : ماشى يا بكاشه

ويمشوا يروحوا والباقى لسه بيشاور عقله يروح ولا لا
وداليا هتموت من القلق ع ماهر
ونور وهاله وهما مروحين عمالين يكلموا ويهزروا ويفتكروا ايام زمان وليالى زمان

انما هاله بقا بعد ما روحت وكلت وذاكرت شويه مامتها نددت ليها
وراحت تشوف مامتها
والده هاله : ايه يا حبيبتى بتعملى ايه
هاله : كنت بذاكر يا ماما
والده هاله: طيب يا حبيبتى .. عامله ايه ف الكليه .. ها ميش جديد
هاله : لا يا ماما مش فيه
والده هاله : ماشى عاوزاكى ف موضوع كده ياحبيبتى
هاله : خيييير يا ماما .. ماانا عارفاكى
والده هاله : اصل ابن خالتك كلمنى عنك وعاوزك والواد شاريكى
هاله : يا بااااااااااى يا ماما ما انتى عارفه يا ماما انا مبفكرش ف الحجات دى واهم حاجه دراستى
والده هاله : يا حبيبتى ماانتى شايفه العيله كلهم خطبوا واجوزوا ومعتش الا انتى وانا عاوزه افرح بيكى قبل ما يحصلى حاجه
هاله : يا ماما هتفرحى بيا وبعيالى كمان وانتى الى هتربيهم بس والنبى يا ماما ما تكلمينى ف الموضوع ده تانى
والده هاله : ماشى يا حبيبتى
هاله : يا ريت يا ماما وكمان تقولى لابن خالتى ان هو زى اخويا ولا اكتر ولا اقل
والده هاله : ماشى يا هاله روحى كملى مذاكرتك يا حبيبتى .اعمللك حاجه تشربيها
هاله : لا يا ماما شكرا


ودخلت هاله تكمل مذاكرها ودخلت تنااااام بدرى

واحمد وشلته بياكلوا فول وطعميه من البغل ومزاجهم زى الفل
وبعدين كل واحد فيهم روح واحمد طلع يتغدا ونزل وغيرهدوم ولبس هدوم تانيه ونزل
جاله تلفون ورد

احمد : الووو
هاجر : ايووووه يا احمد انا ع الجامعه اهو انت فين
احمد : هركب تاكسى و 5 دقائق واجى
هاجر : يا احمد بقاللك كتير اوى سيبنى الشارع وف ناس بتتراخم عليا
احمد : يتراخموا عليكى ما عشان لبسك اكيد والى انتى عامله ف نفسك
هاجر : انا !! والله ابدا ده انا لبسه كويس يعنى
احمد : هاجى الوقتى واشوووووووووف
هاجر : يلا مستنياك قدام البارون
احمد : اوك جاى اهو

واحمد قفل السكه وركب التاكسى واعد يقول لنفسه امال انا الى اروح استناكى ولا ايه
وراح احمد هناك ولاقى هاجر مستنياه

احمد : ايه يا بنتى الى انتى لابساه ده وايه الى نازل من شعرك ده
هاجر : ايه رايك ف النيولوك
احمد : ومش عاوزه تتعاكسى .. احيييييه يا ابو سوسو احييييييييه
هاجر : ههههههههه ماله يا ابنى والله عادى جدا
احمد : بنطلون استريت ع فيست قصير ع اشارب او حتى مش اشارب كمان
وعملالى حته نازله من شعرك لونها احمر .. ده انتى غريبه
ابوكى شافك كده !!
هاجر : ما انت عارف هو ف الامارات
احمد : اها عشان كده بيعملهم هناك ويجى
هاجر : احسده بقا
احمد : احسده ع ايه يختى .. شوفى بس بقيه الناس فين
هاجر : اوك واتصلت بالتلفون .. ولقتهم ف نادى الحوار
احمد : اوك يلا نروح هناك
هاجر : بس انا مش جيبت الكارنيه بتاعى
احمد: مش مشكله انا اعرف ناس هناك هيدخلونا
هاجر : اوك

احمد طلع الموبايل بتاعه وكلم واحد صحبه شغال هناك ف النادى
وقاله ان هو بره هو وواحده صحبته وعاوزين يخشوا ويجى يدخلهم
وجه صحبه ودخلهم ف النادى وراحوا لاصحابهم مكان ما هما قاعدين
واعدوا يهزروا ويضحكوا وبعدين احمد روح هاجر وكل واحد روح واحمد اكلم ف التلفون
ولاقى اصدقاء السؤء وراح يسهر معاهم وعزموه عليه بمخدرات
بس هو قالهم ان هو خلاص بطل وان معتش ينفع يشرب تانى بس هما اصروا
واحمد اتخنق منهم قالهم مش هيشرب وهيمشى .. ف سكتوا وخلصوا هما واحمد اعد يضحك عليهم شويه
ومشا روح البيت ع الفجر وناااااااااااااااااام



وف الحلقه الجايه هنشوف ايه الى حصل مع احمد ف الكليه
؟؟؟؟؟؟؟؟؟؟؟؟؟؟؟؟؟

من مواضيعى فى المنتدى 0 شويه قمصااااااااااااااان
0 حكاوى مجتمع الحب .. الحكايه الثانيه ( انانيه الحب ) !! ج 1
0 مجله ولاد البلد
0 الشئ ... لــزوم الشئ ... !!
0 !!!!!!!!!!!!!!!
  9  
قديم 04-23-2011, 06:59 PM
برونزى
 
رد: يوميات شاب من المنصوره ... متجدده

المشاركة الأصلية كتبت بواسطة A.H.M.E.D يتوجب عليك الرد اولا حتي تري الروابط
احم احم نقره لعرض الصورة في صفحة مستقلةنقره لعرض الصورة في صفحة مستقلة انا كده هتغر من نفسيتى
تسلميلى انتى يا زوزو
حلوة اووووووووووى تسلم ايدك بس اهم حاجة احمد دة مرتبط استمر بقى للنهاية مشتاقة اوى اعرف النهاية

  10  
قديم 04-23-2011, 07:12 PM
mo_On B)riGhT
 
رد: يوميات شاب من المنصوره ...(الحلقه التانيه) متجدده

اييه دا دا المنتدى فيه مواهب جامده اهه :)

بجد حلقاتك جميله اوى يا احمد

مستنيين الباقى و ان شاء الله نشوفها كمان على التلفزيوون :)


من مواضيعى فى المنتدى 0 طائر الفلامنجو .. اشهر طيور العالم
0 رعاية القطط حديثي الولاده اليتيمه
0 ويسكي حلال و السعر فى متناول ايدي الجميع
0 تحكم فى زمن التقاط الصورة بالماوس .. !!
0 ولــد رســام.. بالقلم بتاعي :)
إضافة رد إنشاء موضوع جديد

الكلمات الدلالية (Tags)
متجدده, المنصوره, يوميات

جديد منتدى مواهب ولاد البلد


الموضوع الحالى: يوميات شاب من المنصوره ...(الحاديه عشر) متجدده .. تاليفى    -||-    القسم الخاص بالموضوع: مواهب ولاد البلد    -||-    المصدر: ولاد بلد | منتديات ولاد بلد    -||-    ولاد بلد | منتديات ولاد بلد
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع


المواضيع المتشابهه
الموضوع
يوميات المزيكاوية . يوميات أعضاء مزيكا توداي .
سر جمال بنات المنصوره..........شووووووووووووووف
مطلوب هيونداي اكسنت 99 ...1500 سي سي في المنصوره
مذبحه مشعل ..........المنصوره.................
سلسله كتب عالم المعرفه ( 178 كتاب ) على أجزاء متجدده

Rss  Rss 2.0 Html  Xml Sitemap