لا محبه الا بعد عداوه [ هامـ للجميعـ ] ..

1 09-05-2010, 11:33 AM

.. , للجميعـ , لا , محبه , الا , بعد , عداوه , هامـ

لا محبه الا بعد عداوه [ هامـ للجميعـ ] ..

اولا ،،

عشان الموضوع اخد اكتر من وقته ، ولحد الان مفيش تفاهم

وبما انى سمعت من كل الاطراف وانا كنت الطرف الوحيد اللى مكنش ليه دخل بالموضوع

وحاولت كتير احل المشكله بالتراضى واننا نصفى النفوس واننا نبقى ايد واحده

لكن لحد الان المشكله موجوده ..

ثانيا ،،

بخصوص شوشو ،

بغض النظر عن الاسماء هيه تعتبر عضوه زى بقيت الاعضاء

وليها حق الاعتراض على اى حاجه تحصل فـ المنتدى مهما كانت

بس الاعتراض يكون ليه حدود ..

وكان المفروض لما تعترض .. تعمل موضوع ف الشكاوى و الاقتراحات

او كان المفروض لما تعترض .. تبعت رساله خاصه للادارى اللى اخد قرار من اى موضوع ليها معجبهاش

تستفر منه ليه حصل كده بكل احترامـ

لاما تقنعه برايها ، لاما يقنعها برايه

ولو هوه اقتنع اكيد هيصلح اللى عمله

ولو هيه اقتنعت يبقى سكت الكلام ..

لكن طريقة اعترضها كان غير كده واخدت طرق سببت فرق بين الاداره

وكانهم مش زى بعض ..

وبخصوص انها بتقول ان الادارى ( احمد ) مبيدخلش ولا بيشارك وانه اول مدخل عدل على مووضوعها

هيه من حقها تقول اللى تحبه مادام ف حدود الاحترام والادب

بس مش من حقها انها متحترمش اى قرار من اى ادارى بغض النظر عن الاسماء

مهما كان ده ادارى يعنى عدم احترام قراره من عدم احترام الاداره ككل

واحترام الاداره من احترام المنتدى

يبقى هيه محترمتش المنتدى كله ..

ثالثا ،،

بخصوص صاحبة الرمش الحزين ،،

بغض طبعا النظر عن الاسماء .. تعتبر مشرفه زى اى مشرف فى المنتدى

مشرفه ليها احترامها من الاعضاء ، رايها الكل يحترمه وقرارها يمشى على الاعضاء فـى قسم اشرافها

وزى ماهيه ليها احترمها من الاعضاء ، المفروض برده تحترم الاداره وتحترم قرارها

ولو ليها اى اعتراض .. فيه قسم المشرفين ممكن تعترض باسلوب محترم

وتتناقش مع الاداره بخصوص القرار الفلانى .. وكله طبعا لمصلحه المنتدى

بس للاسف كان تصرفها .. تصرف غلط فـ غلط من وجهة نظرى

لان مينفعش مشرف او حتى ادارى يعدل على قرار ادارى مهما كان الاداره دى مين

واللى عملته كان لازم ليه عقاب لانها محترمتش الاداره

واى حد فى الموقع كله ملوش الحق انه ميحترمش قرار ادارى علشان مش بيخش

او علشان اى سبب من الاسباب

لانهمهما كان ده ادارى يعنى عدم احترام قراره من عدم احترام الاداره ككل

واحترام الاداره من احترام المنتدى

يبقى هيه محترمتش المنتدى كله ..

آخيرا ،،

بما ان محدش هيهمه مصلحة المنتدى قدى ..

لانى فعلا تعبت فى المنتدى ده عشان يوصل لكده ويبقى فيه اعضاء كويسين مع بعض

واننا عيله واحده .. فى بيتنا التانى

عشان كده اى قرار باخده عشان مصلحة المنتدى اولا

واللى هيزعل من اى قرار انا هعمله

لو فكر بعقل .. هيعرف انه بيبص لمصلحته بس

مش لمصلحة المنتدى ..

القــــــرار

1- يحذف الموضوع ..

لان فيه تجاوزات على الاداره

والاداره هيه كيان المنتدى ومش اقبل اى حد يهين المنتدى

2- تعاقب صاحبة الرمش الحزين بمخالفه ..

لانها اهانت ادارى من الاداره بالتعديل على قراره

وده مش من حقها مهما كان

اتمنـى ..

انـى مكنش زعلت حد منى ..

لانـى عملت اللى فـ مصلحة المنتدى ..

ومحطش فـ بالى اسماء اى حد

لان يهمنى انى اعمل الصح

وبتمنى نفتح صفحة جديده ونشيل اى زعل بينا

وفيها ايه لما نعاتب بعض ..

صدقونى لو صفينا النفوس وكل واحد قال للتانى

انا غلطان واسف ..

التانى رده هيبقى انا اللى غلطان وانا اللى اسف

وانا عن نفسى

آسف لاى حد زعل من تصرف انا عملته

وانا مش بعمل حاجه بانانيه .. اللى بشوفه صح بعمله

ولا محبه الا بعد عداوه ...

المصدر: ولاد بلد | منتديات ولاد بلد - من قسم: تطورات المنتدى

gh lpfi hgh fu] u]h,i F ihlJ gg[lduJ D >> gg[lduJ gh lpfi hgh fu] u]h,i

من مواضيعى فى المنتدى 0 الطاقة مادة حيوية
0 سهم السريع للمتابعه وارتداد متوقع
0 افضل الجامعات
0 جزء جديد في يوميات احمد لكن في شهرٌ من الجحيم!
0 DOWNLOAD Internet Download Manager 6.11 Beta Build 3 +*****

2 09-05-2010, 01:25 PM

داه انا نايمه في العسل شكلي ..انا معرفش اي حاجه من اللي حصلت دي ..

عموما جت سليمه واحنا كلنا اخوات ..كلنا يهمنا المنتدى ..متقلقش وراك رجاله وبنات

3 09-05-2010, 01:53 PM

المشاركة الأصلية كتبت بواسطة ملاك الحب يتوجب عليك الرد اولا حتي تري الروابط

داه انا نايمه في العسل شكلي ..انا معرفش اي حاجه من اللي حصلت دي ..

عموما جت سليمه واحنا كلنا اخوات ..كلنا يهمنا المنتدى ..متقلقش وراك رجاله وبنات

ههههههههههه

صح النوم بقى

طبعا كلنا اخوات و كلنا يهمنا مصلحة بيتنا وبتمنى الناس تتقبل ده

4 09-05-2010, 05:14 PM

اى رد هيخرج عن اسلوب الادب والاحترام

هيتم حذفه .. ولو اتكرر هيبقى فيه مخالفه

5 09-05-2010, 06:41 PM

يبقى هيه محترمتش المنتدى كله ..

اولا مينفعش الكلمه دي تتقالي يازوكا
لانى محترمه وبحترم الكل هنا

ثانيا بقي :_
انت جبت ان الكل عمل لمصلحه المنتدي الا انا وشووشو بس دا غلط
لان غيري عمل لاسباب تانيه
وشوشو مغلطتش لان المفروض احمد ميحذفش التوبيك الا في حاله واحده
انو يكون مكرر
واظن ده من قوانين المنتدي
بس هو قفله بمجرد اعتراض اسنو
واظن ان ال موافق ع التوبيك ومثبته الاداره
ال هو( مستر كارثه )

وانت قلتلى قبل كده انا هديكي مخالفه وقلتلك تكت ايزي
بس عشان الموضوع زاد عن حده
فأنا بقولك عشان الكل يرتاح
انا معتش دخلااااااااااه خالص
واظن ان ده حل يريح الكل ,,,وبقي ولا مخالفه ولا بتاع
وانا لو كنت بدخل وبشارك في المنتدي فأنا عملت كل ده لانى مرتاحه كده
وبتسلي بكده ولقيت اصدقاء مرتاحه معاهم
مش عشان خاطر اي حد في السايت
بس انا كنت بحس ان المنتدي ده بتاعي
وبس
وجود لاك يامان

6 09-05-2010, 07:04 PM

يا زوزة يا حبيبى لالا يا قمر مش تتسريع انى واحده من الاسرة دى بس المنتدى زى مانتى عارفه فى شويه مشاكل
عاوزك بس تصبرو وتشوف رد زوكه وبلاش التسرع الايام دى ايام جميله وحلوة ورمضان كريم ووالعيد بقاا مش عاوزين حد يزعل منك كده واحنا كلنا ادارة مع بعض يمكن زوكه بس الدنيا كلها فوق دماغه وعادى واحنا كلنا واحد ومش انتى يا قمر اول ما يحصل مشكله ودى قوانين يا قمر ومفروض انتى من الادارة وتحترمها علشان تعرف تنفذها وانتى واحده من الادارة صح وانتى اكبر من كده فا بلاش تقولى كده ودى مصالح المنتدى فلازم يا قمر كلنا نكبر المنتدى حتى لو على حسب نفسنا امال احنا اسرة واحده ازاى واعتبرنك واحده من الادارة

7 09-05-2010, 07:40 PM

اولا مينفعش الكلمه دي تتقالي يازوكا

لانى محترمه وبحترم الكل هنا

اولا محمد مش يقصد انك مش محترمه بالعكس الاحترام ده فيكى وشايفينه
هو بيكلم على القوانين الى انتى اتعديتى صلاحيتك بيها بحكم انك مشرفه

ثانيا بقي :_

انت جبت ان الكل عمل لمصلحه المنتدي الا انا وشووشو بس دا غلط

لان غيري عمل لاسباب تانيه

الكلام مكنش موجه ليكى انتى وشيماء بس لا الكلام كان موجه للكل وتقريبا الناس كلها
شافت ان الموضع اتقفل وان فيه مشكله لازم تبان قدام الكل
وممكن نعرف منك ايه الاسباب الى انتى بتكلمى عليها دى ؟
لانى عاوز اعرفها اذا كان موجود اصلا

وشوشو مغلطتش لان المفروض احمد ميحذفش التوبيك الا في حاله واحده
انو يكون مكرر
واظن ده من قوانين المنتدي

يعنى ايه كلمه المفروض دى .. لا طبعا مش المفرو انى احذف التوبيك او اشيله الا اذا كان مكرر وبس
يا صاحبه الرمش انا ادراره والى انا شايفه صح بعمله وانا معملتش حاجه الا انى قفلته وبس .. عشان الردود الى كانت
على سنو واد ايه كان الاسلوب وحش وهى اداريه

بس هو قفله بمجرد اعتراض اسنو
واظن ان ال موافق ع التوبيك ومثبته الاداره
ال هو( مستر كارثه )

عمرو ثبته وتمام جو الموضوع حصل ايه اتفقنا على ان المواضيع مش هتكون منقوله
وصاحبه الموضوع وعمرو هما الاتنين وفقوا على ده .. والموضوع مش مشا كده وبقت المواضيع منقوله

وانت قلتلى قبل كده انا هديكي مخالفه وقلتلك تكت ايزي
بس عشان الموضوع زاد عن حده

المخالفه ده شئ طبيعى عشان انتى عارضتى حاجه الاداره عملتها
الموضوع مش زاد عن حد لو انتى فاكره كده خلاص دى ترجعللك الفكره دى
انما الموضوع عشان الكل وعشان مش يتكرر تانى

فأنا بقولك عشان الكل يرتاح
انا معتش دخلااااااااااه خالص
واظن ان ده حل يريح الكل ,,,وبقي ولا مخالفه ولا بتاع

مين قاللك ان هو يريح الكل انتى عندك اصحاب هنا وبتقولى بترتاحى معاهم
ومحترمين وبيحبوكى لو انتى اخدتى القرار ده يبقى انتى كده هتزعليهم
وف الاول وف الاخر المنتدى مفتوح ليكى وللكل

***************

انتى لما دخلتى وعارضتى قرار انا اخدته (الاداره )
كان المفروض انى اديكى مخالفه ساعتها وممكن اشيللك من الاشراف لكن انا معملتش كده
ولما شيماء رديت رد وحش وباسلوب وحش عليا كان المفروض اطردها 3 ايام عشان تتطاولت على الادره وانا مش عملت كده
لانى بعتبركوا اخواتى وانى مش اتعودت انى اعمل كده للناس المحترمه
وكان المفروض انتوا مضيقين من حاجه الاداره عملتها .. كان عندكوا قسم الشكاوى وتشتكوا فيه
وانا كنت هرد عليكوا ومش كنت هزعل حد
لكن انتى عارفه ان الموضوع موضوع عناد وتكبر
ودى النتيجه لو انتى شايفها حلوه خلاص دى بتاعتك انتى
لكن خساااااااره

8 09-05-2010, 08:07 PM

المشاركة الأصلية كتبت بواسطة صاحبة الرمش الحزين يتوجب عليك الرد اولا حتي تري الروابط

يبقى هيه محترمتش المنتدى كله ..

اولا مينفعش الكلمه دي تتقالي يازوكا
لانى محترمه وبحترم الكل هنا

فهمتى غلط ..

انا عارف ومتاكد انك انسانه محترمه وبتحترمى الكل

وانا لما اكلمت .. اتكلمت على تصرف عملتيه

مخدتيش بالك انه غلط وانك لما تعمليه بيبقى عدم احترام للاداره

واحترام الاداره من احترام المنتدى

المشاركة الأصلية كتبت بواسطة صاحبة الرمش الحزين يتوجب عليك الرد اولا حتي تري الروابط

ثانيا بقي :_
انت جبت ان الكل عمل لمصلحه المنتدي الا انا وشووشو بس دا غلط
لان غيري عمل لاسباب تانيه
وشوشو مغلطتش لان المفروض احمد ميحذفش التوبيك الا في حاله واحده
انو يكون مكرر
واظن ده من قوانين المنتدي
بس هو قفله بمجرد اعتراض اسنو
واظن ان ال موافق ع التوبيك ومثبته الاداره
ال هو( مستر كارثه )

لو افترضنا حصل ده ..

مهما كان مينفعش انتى تعدلى على قرار الاداره

كان ممكن اقل حاجه تبعتيله مسج خاص وتقولى فيه الكلام ده

ساعتها ممكن يقتنع برايك ويغير قراره .. وكله ف صالح المنتدى

للاسف انتى معملتيش ده .. واتسرعتى وعدلتى على قرار الاداره

الاداره ليها الحق انها تحذف او تقفل اى توبيك مادام حصل فيه تجاوز

واحمد عمل ده من وجهة نظره

بس واضح ان وجهة نظره مش عجبتك فعدلتى على قراره باسلوب مش كويس

وطريقه غلط ..

المشاركة الأصلية كتبت بواسطة صاحبة الرمش الحزين يتوجب عليك الرد اولا حتي تري الروابط

وانت قلتلى قبل كده انا هديكي مخالفه وقلتلك تكت ايزي

انا قولت كده عشان فـ الغلط مينفعش افرق بين اى حد

وكان لازم يحصل كده ..

واخدتى اقل مخالفه فى المنتدى

المشاركة الأصلية كتبت بواسطة صاحبة الرمش الحزين يتوجب عليك الرد اولا حتي تري الروابط

بس عشان الموضوع زاد عن حده
فأنا بقولك عشان الكل يرتاح
انا معتش دخلااااااااااه خالص
واظن ان ده حل يريح الكل ,,,وبقي ولا مخالفه ولا بتاع
وانا لو كنت بدخل وبشارك في المنتدي فأنا عملت كل ده لانى مرتاحه كده
وبتسلي بكده ولقيت اصدقاء مرتاحه معاهم
مش عشان خاطر اي حد في السايت
بس انا كنت بحس ان المنتدي ده بتاعي
وبس

اولا ده هروب ..

ومحدش قال ولا حد هيقول ولا انا سمعت ان ده حل يريح الكل

بس الواضح ان ده حل يريحك

واحنا منحبش نخسر اى عضو من اعضاء المنتدى

لانه قبل اما يكون عضو .. هوه اخ لينا

وانتى تعتبرى اخت لينا كلنا

ومهما حصل بين الاخوات .. عمرهم مبيسيبوا بعض

فلو انتى مش معتبرانا اخواتك .. يبقى مقدرش اقولك متدخليش او ادخلى

ولا اقدر ادخل فى اى قرار مادام يريحك

بس اللى عاوزك تعرفيه ..

ان فـ اى بيت .. اى حد بيغلط بيتعاقب ومش عيب انه يتعاقب

العيب انه يتمادى فـ الغلط او ميعترفش بغط ويفضل الهروب

حاجه اخيره

عمر المنتدى موقف على حد .. المنتدى زى البيت

ناس بتزوره وبترتاح فيه وبتستمر فيه مادام حبيت المكان

وبقوا حته من البيت .. ميقدروش يسيبوه مهما كان

فـ اللى مش يريحه وجوده فى المنتدى

يبقى هوه مش حابب المنتدى

واحنا ملناش الحق اننا نجبر حد انه يقعد فـ مكان هوه مش حابه

فلو انتى حبيتى المكان وحبيتى الناس اللى في المكان

واتعلقتى بالمنتدى

مش هتقدرى تسيبيه او تقولى وداع

المشاركة الأصلية كتبت بواسطة صاحبة الرمش الحزين يتوجب عليك الرد اولا حتي تري الروابط

وجود لاك يامان

المشاركة الأصلية كتبت بواسطة صاحبة الرمش الحزين يتوجب عليك الرد اولا حتي تري الروابط

حياه سعيده ان شاء الله

9 09-05-2010, 08:16 PM

يا جماعه انتم مكبيرنين الدنيا يا يا عم محمد يا زوكه زوزة اختا الصغيرة ويمكن هى متعرفتش ان علمت غلط وقشطه وكلام محمد بجد زوزو جميل عادى بقاا احنا معاه بعض وقشطه اوك يا زوزو

10 09-05-2010, 08:36 PM

يا بنت يا زوزو انتى مالك دماغك محدش قال عليك كده
ومحديش يقدار يقولك عليك كده مهما كان هو مين ازاى يعنى بس محديش قالك حاجه يا قمر كبرى دماغك انتى بس واحنا اخوات
ومحديش يقدار يقول على اخواته كده

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

لا محبه الا بعد عداوه [ هامـ للجميعـ ] ..

.. , للجميعـ , لا , محبه , الا , بعد , عداوه , هامـ لا محبه الا بعد عداوه [ هامـ للجميعـ ] .. اولا ،، عشان الموضوع اخد اكتر من وقته